ङिङताम ।
लसे तमा दक्पु शेर्वा सिरुती तङ्बोक ङोन्क्षे तर्क्षेने ज्युङ पागगा ताङ आमगगि ङोने ज्युङ नङ्पा सङ्गेपा (बुद्धिस्ट) नोक । ती ईन्दु ती तन्दी ज्येन्दा ताङ ज्येन्दङ्मी टेङ्गी हक क्वो गोक्यिउ । हक्वोवा क्यसि लेमु गिउ । पागगा ताङ आमगगा, पपा ताङ आमा नङ्बा (बुद्धिस्ट) ईन तुक क्यने ङाङ् नङ्बा (बुद्धिस्ट) ईन सुङ्सी तिति नोरु ईन । दक्दाक्पु नङ्बा उङ्गुला । नङ्बा डोप्ला कोन्क्षोक सुमला क्यप्सु डोगोक्यिउ । क्यप्डोकी दोम्पा श्युगोक्यिउ । ती मिसि ख तोङ्बा ताङ छिक कम्बु ज्यिक कि नङ्बा ईन्दु क्वो मेक्षेतु । नङ्बा इन्सिमा आला मेसिरङ नङ्बा सङ्गेकी तावा, गोम्पा, च्योपा तिवा चेचेई हकक्वो थुप्पु च्युङ्सी लीमु गिउ । तिङ्सङ पला क्षोलुक बाँङी ताङ मिरिक बाँङि ताङ मुला दल्जा जोगोउ थुन्डेल क्यिगोउ वला दककक्पी क्षोकी कोर्ला चेचेई हकक्वोसी । मि टिसि लप्थुप्पु च्युङ्सी लेमु गिउ । दक्दक्पुलाङ लेमु फेनगिउ । थुकज्ये क्षे ।